Bornas Verdsdagar Førde - informasjon
Populære Raymond Sereba kjem til Førde med sin afrikanske rytmeverkstad. Fest og moro!
Bornas Verdsdagar Førde skjer laurdag 17. november frå kl. 11.30 til kl. 16.00 i Førdehuset. Her er litt informasjon - og informasjon om kva du finn meir informasjon;-)
Parkering - hugs å bruke Utstillingsplassen, der er det best plass.
Fargerike Førde - hugs kontantar dersom du vil kjøpe mat frå dei mange som tilbyr smakfulle rettar frå mange kantar av verda.
Opning - den offisielle opninga skjer kl. 11.30 i Festsalen. I år er det ordførar Olve Grotle som opnar det heile. Og saman med han står spente born frå fire barnehagar i Førde som har øvd på songar dei skal framføre i det flotte verdskoret.
Verkstadane opnar kl. 12.00 - og går fram til kl. 16.00.
Verkstadane er gratis, og kvar verkstad varer i 20 min. Dei går eit par gonger i timen, og du har lov til å vere med på same verkstad fleire gonger. Det er inga påmelding, det er berre å vente utanfor kvar verkstad, der ei klokke viser når neste verkstad byrjar. Verkstadane er fint dekorerte, så du skal få ei lite kjensle av å vere i eit eksotisk land td. når du er på Peru-verkstaden. Du MÅ berre komme og sjå!
Oversikt over verkstadane finn du HER - eller du kan laste ned Førdefestivalen-appen på mobilen din. Der finn du alle verkstadane, og kvar dei skal vere.
Eigne tider for EVENTYRHOLA og GEITEJAZZ:
Eventyrlesinga på biblioteket byrjar kl. 12.45
Geitejazz er eit teaterstykke som varer i 35 min, og vert vist kl. 12.30 og kl. 14.00
FARGERIKE FØRDE - den internasjonale kafeen, sel mat i Utstillingssalen. Hugs å ta med kontantar. Enkelte kan ha Vipps, men med kontantar er du på den sikre sida!
Og lurer du på noko, er det berre å komme i informasjonsskranken ved hovudinngangen i Førdehuset, så skal vi prøve å hjelpe deg!