FAYTINGA
FAYTINGA
Fridomskjemparen som vart musikar
Faytinga, eller Dahag Faid Tinga, kjem frå Kunama-folket, der menn og kvinner er likestilte. Alt 14 år gamal var ho med i den eritreiske fridomsrørsla, der ho fekk si første utdanning. Ho var aktiv i rørsla fram til frigjeringa i 1991, og hadde sitt første artistoppdrag med å synge for soldatane ved fronten for å gje dei mot og styrke.
Faytinga komponerer og skriv sine eigne tekstar, men tolkar også eritreiske poetar. I 1990 turnerte ho i USA og Europa som medlem i bandet Sibrit. Fem år seinare hadde ho sin første soloturné og i 1999 kom første plata hennar, Numey, med tekstar på kumana.
Lokale musikktradisjonar er Faytinga si største inspirasjonskjelde, men ho tek gjerne musikken inn i nye landskap og ho har mange ulike prosjekt. Musikalsk er det mykje som minner om vest-afrikanske rytmar, men Faytinga si karakteristiske stemme, plasserer ho tydeleg aust på det store kontinentet.
Dahab Faid Tinga - vokal, krar
Khalid Kouhen - perkusjon
Federico Umberto - krar
Jonas Knutsson - saksofon