Cimbaliband
Humoristisk-musikalsk rundtur på Balkan
Cimbaliband vart kjende internasjonalt i 2013, då dei som første ungarske band spelte på den store bransjemessa Eurosonic Noorderslag i Nederland. Sidan har publikum over heile verda fått bakoversveis av dette multikulturelle bandet sine virtuose instrumentalsoloar i deira humoristisk-musikalske rundreise i tid og rom på Balkan.
Frontfigur i Cimbaliband er Unger Balazs, eit unikum på cimbalom, og karakterisert som The Chuck Berry of Cimbalom. Unger Balazs hentar inspirasjon frå det rike kulturmangfaldet i Ungarn, blandar det med godt humør, og leverer ein dose melodiøs fortare-enn-fort-musikk du knapt har høyrt maken til. Cimbaliband er pur musikkglede som løftar deg frå stolen!
Saman med Cimbaliband får du sjå dansaren Roland Toth i aksjon. Han har vunne fleire av dei nasjonale folkedanskonkurransane i heimlandet, i tillegg til å vere ein habil felespelar, og elev av Unger Balazs.
“Finally, cimbalom is rock’n’roll. Watch out for these Hungarians!’”
“This is a headlong and authentically clunky clash of Hungary’s thriving rock’n’roll party scene with traditional Magyar, Roma and Serb folk music”
Unger Balazs - cimbalom, vokal
Dora Danics - vokal
Unger Gergo - gitar, vokal
Babos Lorinc - tromme, perkusjon
Solymosi Mate - fele
Gulely Toth - kontrabass
Roland Toth - dans
Fredag 6. juli kl. 21.00 Columbi Egg
Hugleik, Scandic Sunnfjord Hotel & Spa
Laurdag 7. juli kl. 20.30 Festivalgalla
Idrettshallen, Førdehuset
Laurdag 7. juli kl. 22.30 Dans, dans, dans!
Festsalen, Førdehuset
KJØP BILLETT PÅ BILLETTKONTORET.
FRI ENTRÉ MED BILLETT TIL FESTIVALGALLA.
