Duo Ruut
Ungdommeleg og nyskapande folkemusikk frå Estland
Duo Ruut (Duo Kvadrat) – ungdommeleg folkemusikk. Dei er vener som samhandlar, men likevel to musikarar med ganske ulik bakgrunn og smak. Etter å ha funne ny inspirasjon frå forfedrane sine folkemusikktradisjonar i 2017, sat Katariina Kivi og Ann-Lisett Rebane ein dag der, med ein estisk zither midt mellom seg. På den eine sida var det eit samantreff av mange ulike faktorar, på den andre eit resultat av mange år med eksperiment og akademiske studiar. Det nye instrumentet var ein frisk start for duoen, og baud på mange måtar å skape og meistre nye teknikkar på.
“Their music creates a soothing ambience, with every person in the room captivated by their synchronicity.”
Det å komponere på eitt instrument gjev trange rammer, så Duo Ruut si største utfordring har vore å sleppe fantasien ut av boksen for å kunne mate musikken sin med nye og spennande idear.
I løpet av kort tid har Duo Ruut fått reise rundt i verda, og mellom anna turnert i Japan, spelt på prestisjefestivalen Celtic Connections i Glasgow, hatt konsert på WOMEX i Portugal, Trans Musicales i Frankrike og Eurosonic Noorderslag i Nederland.
Ann-Lisett Rebane – zither, vokal
Katariina Kivi – zither, vokal