Eneida Marta
Songdronninga frå Guinea Bissau
Songaren og samfunns-aktivisten Eneida Marta er ein av dei mest genuine og levande afrikanske stemmene vi har, og ein ekte ambassadør for musikken frå heimlandet Guinea-Bissau. Musikken hennar famnar om afrikanske rytmar og stilartar som gume, morna og singa. Her er eit snev både av jazz, gospel og flamenco, og Eneida syng både på portugisisk, fulani og mandespråk. Eneida Marta er svært oppteken av den humanitære situasjonen i heimlandet sitt, og er utnemnd til UNICEF-ambassadør for Guinea Bissau.
“With a career spanning 20 years, the Bissau-Guinean singer and social activist continues her brilliant music and raise her country’s flag as high as possible.”
Eneida Marta har ei 20 år lang karriere bak seg, ein karriere som skaut verkeleg fart internasjonalt etter at ho spelte på den store musikkmessa, Womex, i 2008. Det var starten på omfattande turnear som tok henne til dei store festivalane og konsertscenene i verda. No er det endeleg vårt eige publikum som skal få oppleve Eneida Marta si varme og sjelfulle stemme, som rommar både smerte og glede – og ikkje minst draumar.
Eneida Marta - vokal
Miguel Tapadas - keyboards
Luciano Vasconcelos - bass
Bidan - gitar
Marcos Alves - trommer