REGLEBEIN, REGLEBEIN!
Feiande flott konsertframsyning for heile familien
Ein sliten reinhaldar set frå seg vaskevogna si og tek ei pause. Ho sovnar. I draumen står ho brått midt i ein gjeng musikarar og dansarar i glitrande kostyme som dreg ho med seg inn i eit univers av musikk, dans og leik!
Kva skjer når tilsynelatande meiningslause rim og regler blir til seriøs musikk og dans? Er det eigentleg seriøst, eller er det berre tull? Ellingar og hurrarop frå leiken i skulegarden møter nyskriven musikk og set rytme i reglebeina. Hans Martin Austestad har laga musikk til alt frå Ride, ride ranke til Chickelacke chickelacke. Belinda Braza og Silje Onstad Hålien har regissert og koreografert alt det merkelege og rare som kan skje i draumeland! Leik og tull, alvor og fjas går hand i hand. Akkurat slik vi kjenner det frå sjølve livet.
Framsyninga er produsert av Osafestivalen i samarbeid med Riksscenen og støtta av Norsk Kulturråd, Vestlandet Fylkeskommune og FFUK.
Komponist – Hans Martin Austestad
Koreograf – Silje Onstad Hålien
Regi – Belinda Braza
Produsentleiing – Silje Onstad Hålien og Nina Fjeldet
Hans Martin Austestad - banjo
Terje Engen - trommer
Jon Bugge Mariussen
Irene Tillung - trekkspel
Sondre Meisfjord - bass
Silje Risdal Liahagen, vokal
Birgitte Halldis Blomlie - fele, dans
Nina Fjeldet - fele
Silje Onstad Hålien - dans