Førdekonferansen 2022:
KUNST I KRISER
Torsdag 7. juli kl. 09.30-16.00 - Scandic Sunnfjord Hotel & Spa
Menneske lever i mange og ulike krisesituasjonar verda over i dag. Det er kriser som krig, naturkatastrofar, sjukdomsepidemiar og når ytringsfridomen og menneskerettane blir truga og innskrenka. Kva er kunsten og kunstnaren si rolle i slike kriser? Kva skjer med kunstnarane, både dei som lever i krisa, og dei som har flykta? Årets konferanse set søkjelyset på desse spørsmåla gjennom å lytte til innleiarar med ulike perspektiv, som kunstnarane sjølv, men òg dei som arbeider med desse spørsmåla i akademia, journalistikken, politikken og Dei sameinte nasjonane (SN).
Førdekonferansen vert arrangert av Førdefestivalen i samarbeid med Vestland fylkeskommune, Høgskulen på Vestlandet, Sunnfjord kommune,
Tekstallianse og Kunsthall 3,14. Konferansen er støtta av Kulturrådet og Fritt Ord.
PROGRAM
Konferansier: Roger Sevrin Bruland
Roger Sevrin Bruland er 45 år og kjem frå Utvik. I dag er han NRKs europakorrespondent i Berlin. Han har dei siste åra dekka pandemien i Italia og krigen i Ukraina, og mykje anna midt mellom desse to landa.
kl. 09.30 Registrering og kaffi
kl. 10.00 Velkomen
Jenny Følling – ordførar Sunnfjord kommune
Arne Osland – styreleiar Førdefestivalen
kl. 10.15 Anne Beathe Tvinnereim, utviklingsminister, opnar konferansen og held opningsforedraget.
kl.10.45 Margunn Indrebø Alshaikh – «Kunst som brubygging, gjenreising og ytringsfridom»
«Kunst som brubygging, gjenreising og ytringsfridom»
Margunn Indrebø Alshaihk arbeider i dag i UNDP (SNs utviklingsprogram) i Botswana. Ho har meir enn 15 års internasjonal røynsle innan programleiing og koordinering, politisk og strategisk planlegging, konfliktanalyse, og krisekartlegging for fredsbygging og styresett, kommunikasjon og forsking
kl. 11.15 Oded Ben-Horin – «Kunsten i kriser og konflikter»
«Kunsten i kriser og konflikter»
Oded Ben-Horin er instituttleiar for kunstfag ved Høgskulen på Vestlandet, og førsteamanuensis i musikk. Han koordinerer det globale utdanningsinitiativet Global Science Opera (GSO), som produserer kreative skuleoperaer på tvers av landegrenser, religion, etnisitet, alder, kjønn, og økonomiske tilstandar. I innleiinga vil Ben-Horin bruke GSO sin modell for globalt samarbeid som utgangspunkt for ein analyse av kunstens potensielle rolle som aktiv brubyggar mellom motpartar i framtidige konfliktar og kriser.
kl. 11.45 Kaffipause
kl. 11.55 Kunstnarskap i eksil - Selma M. Yonus og Aida Nosrat i samtale med Hilde Hagerup.
Samtale: KUNSTNARSKAP I EKSIL
-På avstand såg eg endå tydelegare kor grusomt det var. Poeten Selma M. Yonus fekk asyl som gjesteforfattar i Stavanger i 2009. Fem år seinare to IS kontroll over heimbyen Mosul. Dag og natt fylgde ho nyheitene, sørga og skreiv dikta som er samla i «Vuggesang for liten kriger».
Å vere kunstnar i eksil er ei erfaring ho deler med Aida Nosrat frå Iran. Som musikar fekk ho si utdanning ved universitet i Teheran, men strenge islamske lover gjorde det umuleg å bli verande. Sidan 2016 har ho budd i Paris, der ho held fast på utforskinga av den persiske tradisjonsmusikken.
Korleis påverkar eksilet kunstnaren og kunstnarskapet? Samtalen vert leia av Hilde Hagerup, forfattar og tidlegare styremedlem i Norske PEN.
kl. 12.40 Lunsj
kl. 13.30 Damir Imamovic – «The Sevdah tradition»
«The Sevdah tradition»
Damir Imamovic fortel si eiga historie, om korleis han sjølv vart ein del av sevdah-tradisjonen og den sterke oppblomstringa denne musikken fekk etter Bosniakrigen.
kl. 14.10 Agnete G. Haaland - Ytringsfridom under angrep
«Ytringsfridom under angrep»
I mange land risikerer forfattarar, journalistar og kunstnarar å bli torturerte og fengla for fredelege ytringar. Skodspelar Agnete G. Haaland har mellom anna vore rettsobservatør for Norsk PEN i Kavala-saka i Tyrkia. Kva skjer med kunsten og kunstnarane si rolle, og korleis kan vi medverke til å styrke ytringsfridomen til dei som vert knebla?
kl. 14.40 Kaffipause
kl. 14.50 «Embrasing failure»
kl. 15.20 Gunn Karoline Fugle, Siv Førde og Inge Nordhaug – «Musikk som fredsberar»
«Musikk som fredsberar»
Gunn Karoline Fugle, Siv Førde (foto) og Inge Nordhaug har ulike spesialiseringar innan barnepsykiatri. Dei presenterer prosjektet sitt frå Botswana om musikk som hjelp for tusenvis av born som mista foreldra sine i HIV og AIDS.
kl. 15.55 Oppsummering ved programleiar.
kl. 16.00 Slutt