Bildet er frå ein konsert på Førdefestivalen i 2013 - Lyden av framtidsfylket. Foto: Heidi Hattestein

Har du lyst til å friske opp eller lære nye folkedansar, kan du stikke innom gymsalen på Sunnfjord Folkehøgskule torsdag 7. juli og fredag 8. juli mellom klokka 10 og 12. Der tek danseglade instruktørar deg vel i mot, og lærer deg reinlender, springar eller det du har lyst til. Her er det inga aldersgrense verken opp eller ned. Du kjem som du er og treng ingen forkunnskapar.

Dansekursa skjer som eit samarbeid mellom Sogn og Fjordane folkemusikklag, Førdefestivalen, og Hordaland folkemusikklag.