Valkyrien Allstars
Rått, energisk og inderleg
Valkyrien Allstars er her stadig - takk og pris! Sidan dei dukka opp på konsertscenene i 2007 har bandet gått i spiss når det gjeld utviklinga av arrangert folkemusikk. Dei har for lengst fått stempel som eitt av dei beste konsertbanda i landet, og for kvar plate Tuva Syvertsen og co har sleppt, har dei teke steg i nye retningar, og likevel enda opp med eit musikalsk uttrykk dei ikkje deler med nokon. For mange vil signaturen deira minne om rock og popmusikk, men i kjernen av den er det mange og tydelege referansar til norsk tradisjonsmusikk.
Låtane og musikken vert laga og arrangerte av dei fire musikarane i lag, og dei lukkast ganske ofte å lage låtar som blir ein slags evig kjærleik og mysterium som aldri vert løyste. Ein konsert med Valkyrien Allstars er både energisk og inderleg, og byr gjerne på overraskande vendingar mot ein botn som vanskeleg let seg simulere: gnistrande samspel.
Tuva Syvertsen - vokal, fele
Erik Sollid - fele, gitar, vokal
Magnus Larsen Jr - kontrabass
Martin Langlie - trommer
“Det låter både rufsete og raffinert, både deilig teatralsk og dypt personlig.”