Spring du fela
Folkemusikkpoesi
Gamle historier om felespelarar, songarar og dansarar blir til låtar med gruppa Spring du fela. Folkemusikar Mari Skeie Ljones samlar historier og gir dei til forfattarar som lar seg inspirere til å skrive ny lyrikk. Dikta blir til songar, gjennom musikk av Mari og Camilla Granlien. I lag med Jo Fougner Skaansar og Olav Christer Rossebø vil dei gi publikum ein konsert som heidrar dei tøffaste, raraste og finaste folkemusikarane. Vedunderbarnet Vetle-Per Staup, Madli Sekse som ikkje fekk lov til å spele hardingfele og songar og vevar Rønnaug Vangen er blant dei som har fått låtar. Med tekster skriven av Hilde Myklebust, Ruth Lillegraven, Gaute M. Sortland, Anna Kleiva, Sigrid Sørumgård Botheim og Torbjørn Ljones.
Folkemusikk.no kalla Spring du fela si utgjeving frå 2015 eit «gripende tekst- og musikkprosjekt», og GD beskreiv det som ein «merkestein i nyere norsk folkemusikk». Og i april 2020 kom Spring du fela med si andre utgjeving: «Ein skyttel full av song».
Spring du fela gir deg skeive drikkeviser, draumande bånsullar og eit omvendt draumkved: velkommen til ein konsert med folkemusikkpoesi!
«Ein skyttel full av song
vev eg inn i åkle tjukke
Ein tråd for kvar ein gong
mor mi sulla meg i svevnen inn i svevnen inn»
Hilde Myklebust
“Mari Skeie Ljones har sammen med gode venner laga noe som likner mistenkelig på et praktverk der «ny» folkemusikk og ei bok med historie og nye dikt er en del av presangen. ”
Mari Skeie Ljones - fele, hardingfele, vokal
Camilla Granlien - vokal
Olav Christer Rossebø - gitar, mandola, mandolin
Jo Skaansar - kontrabass