AJAZ UL HAQ
Drageflygar med verdsrekord
Ajaz Ul Haq er verdsmeister i drageflyging. Rekorden hans er 1003 drager på ei snor, og vart sett i Oslo i august 2017. I juni 2023 skal han prøve å setje ny verdsrekord og fly med 2000 dragar på ein gong. Ul Haq er levande oppteken av drageflyging og har organisert dragefestivalar, drageframsyningar og drageverkstadar for born, ungdom og vaksne i mange år og i ulike samanhengar. I ca. 15 år, har han observert forhold mellom norsk klima og drageflyging for å finne dei optimale materiala og stoffa for å fly dragar i Noreg.
Ajaz Ul Haq har master i biologi, og var forskar i Pakistan, men jobbar no som lærar i Norge.
I perioden som forskar, jobba han saman med forskarar frå Japan og Kina, og vart då interessert i kulturelle og kunstnarlege aktivitetar som er ekstremt nyttige for samfunnsutvikling gjennom mental og fysisk utvikling av born og unge (nokre gonger også vaksne). Ein av desse aktivitetane er dragebygging og -flyging.
Om drageflyging
I mange hundre år har dragar vore viktige innan kultur, religion og underhaldning. Folk i alle aldrar elskar dragar, og dragefestivalar over heile verda trekkjer til seg tusenvis av folk.
I tillegg har dragar også mange vitenskaplege og pedagogiske sider. Dei blir mellom anna med stor suksess brukte som pedagogiske hjelpemiddel frå skule til doktorgrad-nivå i USA, Kina, Japan og mange europeiske land. Dei er ei svært viktig og billeg kjelde når vi skal lære prinsipp og omgren av matte, geometri, fysikk og aerodynamikk.
Dragebygging, -design og -flyging er ein del av pensum i skular, vidaregåande skular og ved universitet i ulike land. NASA (National Aeronautic and Space Administration) i USA har ei eiga drage-avdeling. Dragar vert brukte for å studere alle aerodynamiske prinsipp for romskip.
Ajaz Ul Haq har dei siste 10 åra utvikla mange ulike teknikkar for å:
Fly 100-1000 dragar på ei snor
Fly dragar med lys om natta
Fly dragar med reklame-segl
Fotografere og filme frå lufta med drag
Bruke drage i vitskapleg arbeid