Breda Gatan
Svensk feinsmecker-kvartett
I mai 2019 steig eit nytt band med ‘gamle’ svenske folkemusikarar fram i lyset. Då sleppte Breda Gatan sitt første album. I kvartetten finn du fire sterke personlegdomar med stor utstråling, som har slått seg saman for å formidle viser med fokus på humor, melankoli og historieforteljing.
Folkesongarane Emma Härdelin (Triakel) og Johanna Bölja Hertzberg, felespelaren Kjell-Erik Eriksson (Triakel, Hoven Droven) og nøkkelharpespelaren Ola Hertzberg, har funne saman i ein kvartett som byr på svensk folkesong og samspel av ypperste merke.