Bjørnblakken
Foto: Knut Utler
Rå, dansbar og morosam musikk frå Hedmarken
Gruppa Bjørnblakken vart til då Ole Nilssen og Bjørn Kåre Odde ville utvide duoen sin i samband med at dei skulle spele på Landsfestivalen i 2019. Resultatet vart ein kjempesuksess, og nyetableringa stakk like godt av med den prestisjetunge sigeren i sin klasse. Dermed hadde dei også sikra dansespel på Førdefestivalen i 2020. Den festivalen vart det jo ikkje noko av, så no ønskjer vi Bjørnblakkenvelkomne til årets festival.
Musikarane i Bjørnblakken er alle svært ettertrakta runddansmusikarar frå Innlandet og Trøndelag, og hovudrepertoaret er den elegante storgardsmusikken frå Hedmarken. - Dette er dansbart, dette er rått, og dette er ualminneleg morosamt, seier dei fem musikarane.
I skrivande stund er det lite som tyder på at det blir høve til å svinge seg på dansegolvet dennesommaren, men konsert skal det bli - med den beste gammaldansmusikken du kan tenkje deg
Bjørn Kåre Odde - fele
Ole Nilssen - trekkspel
Ronny Kjøsen - trekkspel
Jon Amund Karusbakken - kontrabass
Geir Byre - gitar