Artistar & intrument 2022

Ei fotoutstilling blir til

Fotografane Oddleiv Apneseth og Andreas Eikeseth Nygjerd vil under årets festival freiste å portrettere så mange artistar (Andreas) og instrument (Oddleiv) som mogleg. Under festivalen vil prosjektet vere synleg med publisering av fire nye bilete, i stort format, kvar dag i Førdehuset. Fotoutstillinga er eit framhald av utstillinga dei to fotografane gjorde i 2019.

Fotoutstillinga vil vere tilgjengeleg for publikum gjennom heile festivalen. Fri entré.

Oddleiv Apneseth (f. 1955) bur i Bygstad i Sunnfjord. Han var fotograf i Bergens Tidende frå 1987 til 2007. I 1997 fekk han 2. premie i den verdsomfattande konkurransen World Press Photo. I tillegg har han vunne prisen for Årets bilde i Norge, samt fleire andre norske presseprisar. Han har vore festivalfotograf for Førdefestivalen og festspelfotograf for Festspillene i Bergen. Apneseth har illustrert mange bøker, og hatt ei rekkje fotoutstillingar.  

Andreas Eikeseth Nygjerd (f. 1984) bur i Bergen. Han er utdanna portrettfotograf hjå fotografmeister Hans Jørgen Brun i Bergen (2010-2014) og er no fotolærar ved Fana folkehøgskule i tillegg til å drive fotostudioet Nygjerd & Nitsch. Nygjerd er høgt premiert i fleire nasjonale og internasjonale konkurransar. Mellom anna fekk han prisen for «Årets portrett» i Landskonkurransen for Fotografi (2016). Bileta hans har vore utstilte fleire stader i Norge, og er publiserte i ei rekke land.

Arrangement

Onsdag 6. juli kl. 17.30 Opning av festivalutstilling:
Artistar & instrument 2022

Utstillingssalen, Førdehuset

GRATIS INNGANG